На состанокот на Г20, на кој е присутен и рускиот претставник Сергеј Лавров, британскиот премиер Руши Сунак изјави дека Обединетото Кралство „ќе ја поддржува Украина се додека е потребно“.
Сунак го критикуваше рускиот претседател Владимир Путин што лично не дошол на состанокот во Индонезија. „Да дојдеше, можевме да решиме некои работи“, рече Сунак.
Сунак за прв пат учествува на состанокот на Г-20, откако минатиот месец ја замени Лиз Трас на функцијата британски премиер, јавува Би-Би-Си.
Војната во Украина стана главна тема на состанокот на најголемите светски сили што оваа недела се одржува на индонезискиот остров Бали.
Русија е виновна за влошувањето на економската состојба во светот
Во говорот на затворен состанок, Сунак го обвини конфликтот во Украина за влошувањето на економската ситуација во светот. Тој рече дека руската конверзија на енергетските ресурси во енергетски оружја и извозот на храна ги погоди сиромашните ширум светот. Тој додаде дека земјите не треба да ги напаѓаат своите соседи и ја обвини Русија за кршење на основните принципи на суверенитет и територијален интегритет.
„Најголемиот напредок што Русија може да го направи сега е да ја напушти Украина и да ја запре оваа варварска војна“, додаде тој.