Британското Воено воздухопловство изврши напади врз шест цели во источна Сирија, кои се поврзани со нафтената индустрија на групацијата Исламска држава, јави Би-Би-Си.
Нападите биле насочени кон цели во нафтено поле, кое е под контрола на ИД. Целите биле избрани од мобилниот штаб на седиштето на Централната команда на САД во Катар.
Тие се одредени врз основа на разузнавачки податоци, добиени од беспилотни и разузнавачки авиони и од агенти на службите.
Нападите биле извршени со бомби со ласерско насочување „Пејвеј 4“.
Четири британски бомбадери „Торнадо“ полетале од базата на британското Кралско воено воздухопловство „Акротири“ на Кипар и учествувале во нападите врз цели во Сирија.