Во трите месеци откако Русија ја нападна Украина, руските сили претрпеа загуби споредливи со оние на Советскиот Сојуз за време на деветгодишната војна во Авганистан, соопшти британското Министерство за одбрана во извештајот на военото разузнавање.
Комбинацијата на „лоша тактика, ограничена поддршка од воздух и недостаток на флексибилност“ и пристап кон командување што се карактеризира со „подготвеност да се повторат грешките“ доведоа до големи загуби, се вели во извештајот на британското разузнавање утринава.
Русите продолжуваат да акумулираат загуби во офанзивата на Донбас, се додава во извештајот.
Руската јавност во минатото покажа дека е чувствителна на загуби во војните. Како што се акумулираат загубите во Украина, тоа ќе стане уште поочигледно, а јавното незадоволство од војната може да се зголеми, како и подготвеноста тоа јавно да се каже, се вели во извештајот.
Latest Defence Intelligence update on the situation in Ukraine – 23 May 2022
Find out more about the UK government's response: https://t.co/mpZMMMUOI9
?? #StandWithUkraine ?? pic.twitter.com/wTIofOVxC0
— Ministry of Defence ?? (@DefenceHQ) May 23, 2022