Една жена во Бразил е уапсена откако било откриено дека носела лажен труднички стомак, кој всушност бил лубеница во која биле сокриени околу три килограми кокаин.
Неименуваната жена, според полицијата во Сао Паоло, се качила на автобус за Рио де Жанеиро со лубеницата полна со дрога, во обид да се претстави како да е во доцна фаза од бременоста.
Полицијата добила дојава дека некој пренесува дрога во автобусот, по што ја пребарала жената, откривајќи ја нејзината „маска“.
Бразил во последните години израсна во еден од главните снабдувачи на европскиот пазар на кокаин, а се верува дека организираните банди кои работат со дрогата се инфилтрирани во пристаништата, од каде кокаинот се испорачува кон Европа.
Според проценките на бразилските власти, бизнисот со кокаин во Бразил се проценува на околу 10 милијарди долари годишно.