Борис Џонсон води на изборите за лидер на конзервативците

Од:

Поранешниот шеф на британската дипломатија Борис Џонсон освои најмногу гласови од пратениците на Конзервативната партија во првиот круг од изборите за лидер на владејачката партија, додека тројца кандидати испаднаа од трка.

Џонсон доби 114 гласови на тајното гласање во кое учествуваа повеќе од 300 конзервативни пратеници.

Од друга страна, тројцата кандидати Андреа Лидсом, Марк Харпер и Естер Мек не го преминаа дозволениот праг од 17 гласови, колку што е потребно за останување во трката.

Во вториот круг, покрај Џонсон, се пласираа уште шест кандидати – актуелниот министер за надворешни работи Џереми Хант, министерот за внатрешни работи Саџид Џавид, министерот за животна средина Мајкл Гув, министерот за Брегзит, Доминик Раб, министерот за здравство Мет Хенкок и министерот за меѓународен развој Рори Стјуарт.

Гласањето ќе продолжи следната недела, а на крај ќе се одлучува меѓу двајцата најдобро пласирани кандидати.

Победникот од изборите за наследник на премиерката Тереза Меј ќе биде познат по 22 јуни.

Би можело да ве интересира

Највисоко ниво на предупредување за британските бродови во територијалните води на Иран

Додека кралицата спиеше маж провали во Бакингамската палата

Татјана Ташкова

Шпански весник тврди дека тимот на Асанж сакал да го прокриумчари во Русија или Куба

Татјана Ташкова

Трамп: Повеќе нема да имаме работа со британскиот амбасадор

Реакции по објавата дека Иран го надмина нивото на збогатен ураниум

Британски амбасадор во САД: Администрацијата на Трамп е неспособна