Специјалниот пратеник на рускиот претседател за односи со меѓународните организации, Анатолиј Чубајс, поднесе оставка од функцијата и ја напушти Русија, пишува Блумберг.
Тој оваа своја одлука ја објаснил со спротивставувањето на војната во Украина, за агенцијата потврдија два неименувани извори.
Блумберг забележува дека Чубајс (66) е највисокиот руски функционер кој се разделил со Кремљ поради рускиот напад врз Украина.
Чубајс е еден од ретките реформатори на руската економија од 1990-тите кои останаа во владата на Путин и истовремено одржуваа блиски врски со западните функционери, наведува Блумберг.
Извор: МИА