Поранешниот британски премиер Тони Блер смета дека египетската војска немаше друг избор, освен да го собори од власт исламистичкиот претседател Мохамед Морси.
-Доколку тоа не беше направено, единствената алтернатива ќе беше војската да дозволи хаос во Египет-напиша Блер во денешниот „Обсервер“.
Војската го отстрани Морси од власт во среда, по големите протести против неговото владеење, во кои ширум државата загинаа неколку лица.
-Не може да дозволиме Египет да се распадне-напиша тој и додаде дека Запад треба да и даде поддршка на египетската демократска транзиција.
Покрај тоа Блер смета дека западните држави имаат одговорност да работат за воспоставување на мир.
Елена Георгиевска