Германија целосно го разбира иранското барање за итно укинување на сите санкции по стапувањето во сила на конечниот договор за спорната иранска нуклеарна програма, но властите во Берлин сметаат дека Техеран прво треба да ги исполни условите од тој договор.
Иранскиот врховен лидер, ајатолах Али Хамнеи вчера изјави дека ниту го поддржува, ниту го отфрла постигнатиот на 2 април меѓусебен рамковен договор со шесте свестки сили, но настојува сите санкции воведени против Иран да бидат итно укинати доколку се постигне конечен договор до крајниот рок 30 јуни.
– Го разбираме интересот на Иран да се укинат санкциите против Иран што е можно побрзо, но досега не сме разгледале план со месеци и денови, изјави портпаролка на германското Министерство за надворешни работи.
Таа нагласи дека санкциите ќе бидат укинати само ако Иран ги исполни условите од конечниот договор и ако тоа исполнување биде потврдено од Меѓународната агенција за атомска енергија