Два белгиски авиони ловци Ф-16 во текот на изминава недела уништиле мала рафинерија за нафта, што ја користеле џихадистите од групата Исламска држава (ИД) во Ирак, соопштија локалните медиуми, повикувајќи се на воени извори.
Медиумите забележуват дека во воздушните напади немало човечки жртви, бидејќи нафтената инсталација не работела.
Рафинеријата била користена за производство на гориво за автомобилите на џихадистите.
Пред да го изведат нападот, пилотите два часа во воздух го чекале одобрувањето од ирачките власти.
Белгиската борбена авијација има задача да гаѓа персонал, превозни средства и инфраструктура на ИД.
Белгиските ловци дејствуваат само во Ирак, бидејќи Советот за безбедност на ОН им нема дадено мандат за напади врз џихадистите во Сирија.
Белгија во октомври и се приклучи на меѓународната коалиција против ИД. Нејзините ловци ја користат военовоздухоловната база во Јордан, од каде дејствуваат исто така и екипажи на САД и Холандија.
Белгискиот придонес во операцијата се пресметува на пет проценти од
вкупните активности на коалицијата против ИД од воздух, се појаснува во информацијата на локалникот белгиски печат.