Белгиската Влада донесе одлука земјата да се вклули кон меѓународните воздушни операции против групата Исламска држава во Ирак.
Белгија за таа цел во мисијата ќе испрати шест борбени авиони Ф-16.
Министерството за одбрана на Белгија нагласи дека станува збор само за воздушни напади врз позиции на групата во Ирак, за кои земјата е подготвена да испрати авиони во составот на меѓународната коалција формирана од САД.
Белгија ќе испрати и максимум 150 лица технички персонал и пилоти. Финансирањето ќе биде од сметката на Белгија.