Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добие директна контрола врз Гренланд, автономна данска територија.
Баро рече дека „не верува“ во американска воена интервенција за преземање на Гренланд, што американскиот претседател Доналд Трамп го предложи како можност, велејќи дека „ништо не може да го оправда тоа“, објави BFM.
– Гренланд е европска територија, ставена под заштита на НАТО… Би додал дека Европејците имаат многу моќни средства да ги бранат своите интереси. Оваа уцена мора да престане, рече Баро.