Генералниот секретар на ОН, Бан Ки-мун попладнево пристигна во Египет на разговори со египетските власти за состојбата во Појасот Газа, каде за време на израелските напади во последниве две недели загинаа околу 500 лица.
Во рамките на мисијата низ Блискиот Исток. чија цел е ставање крај на конфликтот меѓу Израел и палестинската група Хамас, Бан се сретне со египетскиот претседател Абдел Фатах ал Сиси, со министерот за надворешни работи Самех Шукри и со други високи претставници.
– Генералниот секретар со нетрпение очекува да се сретне со претседателот Сиси, со министерот за надворешни работи и со генералниот секретар на Арапската лига за да разговараат за ситуацијата во Газа и напорите за прекин на воените дејствија, соопшти потпаролпт на Бан, Стефан Дижарик.
Во Каиро денеска се очекува да пристигне и американскиот државен секретар Џон Кери.