Избраниот американски претседател Џо Бајден најави дека ќе нареди зголемување на производството на опрема потребна за забрзување на процесот на вакцинација против Ковид-19.
Планот на Бајден подразбира отворање илјадници центри за вакцинација во кои пензионирани лекари ќе ги вакцинираат наставниците, вработените во продавниците, повозрасните од 65 години и останатите категории кои се меѓу првите во редот за имунизација.
Во период во кој заразата многу брзо се шири низ САД, Бајден вети дека во борбата со Ковид-19 ќе биде подобар од актуелниот претседател Доналд Трамп и дека во првите 100 дена од неговиот мандат ќе бидат вакцинирани 100 милиони американци. Бајден власта ја презема в среда.