Американскиот потпретседател Џо Бајден се обиде да ја попрaви непријатната ситуација со Багдад, откако шефот на Пентагон Еш Картер ги обвини ирачките сили за падот на градот Рамади.
Белата куќа соопшти дека Бајден разговарал телефонски со ирачкиот премиер Хајдер ал Абади, неколку часа откако американскиот секретар за одбрана изјави дека групата Исламска држава го заземала градот бидејќи ирачките сили не покажале волја да се борат.
Бајден изразил разбирање за големата жртва и храброст на ирачките сили, што ја покажале во изминатите 18 месеци во Рамади и други ирачки градови, се наведува во соопштението на Белата куќа.
Американскиот потпретседател во разговорот со Абади ја повтори американската поддршка на ирачката влада во борбата против џихадистите од Исламска држава. Абади, изразил изненадување од изјавата на Картер и нагласил дека шефот на Пентагон добил погрешни информации.