Бајден ја осуди одлуката на Врховниот суд за забрана на абортусот во Тексас

Од:

Американскиот претседател Џо Бајден денеска го осуди одбивањето на Врховниот суд на САД да го блокира новиот закон за абортус во Тексас, што, како што рече, „претставува невиден напад врз уставните права на жените“.

„Одлуката предизвикува неуставен хаос и го навредува владеењето на правото“, се наведува во неговата писмена изјава.

Тој вети „итен одговор“ од неговата влада и повика на пронаоѓање „мерки за да им се гарантира на жените од Тексас пристап до безбедни и легални абортуси“ и да се заштитат клиниките и лекарите од можни тужби.

– Законот е толку екстремен што дури и не предвидува исклучок во случај на силување или инцест, истакна Бајден.

Тој додаде дека „највисокиот суд на земјата ќе остави милиони жени во Тексас да страдаат додека судовите постапуваат по сложени процедури“.

Во Тексас е донесен закон според кој се забрануваат абортуси по шестата недела од бременоста.

Како што јави дописникот на МИА од Вашингтон, се очекуваше Врховниот суд на САД да одговори со блокирање на овој закон, по итниот поднесок од страна на клиниките провајдери на оваа услуга, но тоа не се случи.

Законот, познат и како „Сенатски бил 8“, речиси целосно го забранува абортусот во Тексас и не прави никакви исклучоци дури и за бременост предизвикана од инцест или силување, што е случај во некои сојузни држави раководени од републиканци.

Би можело да ве интересира

Бајден го потпиша Законот за привремено зголемување на лимитот на задолжување на државата, избегнат банкрот

Бајден ќе го прими кенискиот претседател

А1он

Повик до Бајден да ги прекине сите проекти поврзани со нафта

Ана Ололовска

САД ќе прифатат двојно повеќе бегалци, одлучи Бајден

Ана Ололовска

(ВИДЕО) Пукање во средно училиште во Тексас, учениците заклучени во училниците чекаат полицијата да го приведе напаѓачот

А1он

Американски сенатори со писмо бараат од Бајден да протера 300 руски дипломати од САД

Ана Ололовска