Иран се согласи на најголемиот дел од нацртот на потенцијалниот договор со Соединетите Американски Држави, изјави денеска портпаролот на иранското Министерство за надворешни работи Есмаил Багеи и посочи дека Иран нема да прави компромиси кога станува збор за нивните „црвени линии“.
Багеи нагласи дека Иран сè уште не донел конечна одлука за договорот, додавајќи дека поголемиот дел од текстот е завршен, иако САД „постојано ја менуваа својата позиција“, пренесува Ал Џезира.
Тој рече дека Катар и Пакистан активно учествуваат во посредничките напори, но дека неодамнешните акции на САД, имено нападите врз Иран, влијаеле на дипломатскиот процес.