Австријците се уморни од ширење на Европската унија, а со тоа и прием на нови членки од Балканот, се вели во резултати од анкета на Австриското друштво за европска политика (OsGfE). Три четвртини испитаници сметаат дека ширењето на ЕУ е „малку“ или „целосно неважно“, објави виенски Курир пред денешното претставување на извештајот за напредокот на државите-кандидати за членство во ЕУ.
Австријците, според таа анкета, се против прием на Турција, БиХ, Србија, Црна Гора, Албанија и Македонија. За прием на Турција во ЕУ се изјасниле само 15 отсто Австријци, додека 72 отсто биле против. За Србија биле 24 отсто, а 62 – против. Дваесет и шест отсто Австријци се „за“ прием на БиХ во ЕУ и 52 отсто – против. Што се однесува за Црна Гора и Македонија, 52 отсто Австријци се против членство на тие држави во ЕУ, додека 61 отсто Австријци не ја сакаат Албанија во Унијата.
Поддршка за члество од Австријците добиле само Исланд за чиј прием се изјасниле 55 отсто анкетирани. Според генералниот секретар на OsGfE, Пол Шмит 86 отсто испитаници сметаат дека граѓаните на Австрија се повеќе за продлабочување на односите (86 отсто) за разлика од прием на нови членки.