Австриското министерство за одбрана издаде наредба за распоредување на над 1.600 војници на границите на земјата, поради кризата со бегалците, јави ТАСС.
Според Министерството, две третини од овие војници ќе и помагаат на полицијата во обезбедувањето на границата, а останатите ќе извршуваат помошни функции.
Виенскиот весник „Курир“, од друга страна, објави дека автриското Министерство за одбрана размислува и за мобилизација на дел од резервниот состав на воената полиција, кои по потреба би ги замениле војниците на редовен воен рок и оние по договор.
Министерсѕвото засега ниту ги потврди, ниту ги демантира ваквите тврдења на „Курир“.