[staff name=”Јасна Атанасова” position=”Автор”][/staff]Борбени авиони на американската авијација сретнале два мали авиони кои влегле во забранетиот простор за летови во близина на резиденцијата на претседателот Барак Обама во Флорида.
Во забранетиот простор најпрво влегол авион од типот Цесна 152, а неколку часа подоцна и авион од типот Ланчер 320, известува Си-Ен-Ен. Двата авиони ги пресретнали борбени ловци Ф-16, кои ги придружувале додека на ја напуштиле забранетата зона. Двата инциденти се под истрага.
Според локалните медиуми, Обама зел куса пауза од работата и заминал за Палм Сити каде што се релаксира играјќи голф.
Сличен инцидент се случи во февруари минатата година кога авионот од типот „Cessna 182″, чиј пилот не одговори на барањата од контролата на летањето, пријде на опасно растојание од авионот со кој патуваше претседателот Обама, при полетување од Лос Анџелес. Борбените авиони на американските воздухопловни сили ја пресретнаа и ја приземјија „Cessna”-та, во којашто подоцна беа пронајдени околу 20 килограми марихуана.