Асанж негира дека ги пробил лозинките на Пентагон но се соочува со екстрадиција во САД

Од:

Барањето на САД за екстрадиција на Џулијан Асанж е потпишано од министерот за внатрешни работи, Саџид Џавид. Асанж, основачот на Викиликс, се бара од САД за протекување дипломатски информации што предизвикаа голема непријатност за Вашингтон во 2010 година.

Џулијан Асанж , нема да се соочи со целосна расправа за екстрадиција до следната година. Судијата Ема Арбутно одлучи дека Асанж ќе се соочи со петдневно сослушување за екстрадиција на 25 февруари 2020 година.

Адвокатот на Асанж, Марк Самерс, рече дека случајот претставува “срам и целосен фронтален напад врз новинарските права”.

Асанж е во лондонскиот затвор “Белмарш”, каде што отслужува казна затвор во траење од 50 недели. Тој беше премногу болен да се појави на последното сослушување, но беше доволно добар за да се појави со видео врска за судскиот претрес на Вестминстер Магистрејтс во централен Лондон.

Десетици луѓе протестираа пред судот, барајќи од британската Влада да се спротивстави на администрацијата на Трамп и да одбие да го екстрадира Асанж чие единствено криминално дело, според нив, беше што ги откри злобните активности на САД низ целиот свет.

Асанж тврди дека е новинар чие право на слободен говор е заштитено со Првиот амандман на американскиот Устав. Неговите адвокати поднесоа жалба против казната за кауција и се надеваат дека тој ќе биде ослободен од затвор пред октомври.

Би можело да ве интересира

Трамп со демократите разговара за контролата на оружјето

Ана Ололовска

Стејт департментот одобри продажба на авиони-ловци Ф-16 за Тајван

Ана Ололовска

Политико: Трамп ја одложи средбата со данската премиерка, откако таа одби да им го продаде Гренланд на САД

Ана Ололовска

Трамп повторно бара Русија да се врати во Г-7

Ана Ололовска

Помпео за Северна Кореја: Знаевме дека ќе има препреки

Белата куќа разгледува намалување даноци за да се избегне рецесија