Делегациите на арапските земји во Обединетите нации го одобрија вчера палестинскиот предлог за постигнување мировна спогодба со Израел во период од една година и за прекин на израелската окупација на палестинските територии до крајот на 2017 година и покрај острото спротивставување на Израел и САД.
Засега не е познато кога резолуцијата ќе биде ставена на гласање, иако речиси е сигурно дека таа нема да биде усвоена.
Дипломати на западните земји, претставени во Советот за безбедност на ОН изјавија дека биле мошне изненадени од притисокот на Палестинците конечната верзија на резолуцијта да биде ставена на гласање денеска или утре.
Амбасадорот на Јордан во ОН, Дина Кавар, чија земја е единствен арапски претставник во СБ изјави дека сите 22 арапски делегации го одобриле палестинскиот предлог.
На прашањето дали гласањето може да биде одложено за следната година таа изјави дека се е можно.
Портпаролот на Стејт департменот изјави дека палестинската нацрт-резолуција не е конструктивна и оти не одговара на израелските стравувања за безбедноста.
Резолуцијата за да биде усвоена во СБ, потребно е за неа да гласаат девет земји, меѓутоа и доколку биде усвоена САД најверојатно ќе го употребат правото на вето, а според западни дипломати се очекува Вашингтон да гласа против неа.