Американските воени сили покренаа сајбер напад против иранските воени компјутерски системи, јави агенцијата АП, повикувајќи се на неименувани извори.
Сајбер нападот беше инициран во четвртокот, кога американскиот претседател Доналд Трамп ги отфрли плановите за спроведување на конвенционална воена акција против Иран како одговор на соборувањето на американско беспилотно летало.
Официјалните претставници во саботата вечер објавија дека Трамп го одобри нападот што ги оневозможува компјутерските системи на Иран и овозможи преземање контрола врз иранските ракетни лансери и системи.
Нападите беа посебно насочени кон компјутерските системи на Иранската револуционерна гарда.
Иран не ги потврди ниту ги негираше тврдењата на американските официјални претставници.