Додека меѓу Израел и Хамас продолжува насилството во појасот Газа, хакерите од групата „Анонимус“ им даваат поддршка на Палестинците.
Поточно, тие започнаа напади на веб-сајтови кои припаѓаат на израелската влада.
Во раните утрински часови од „Анонимус“ изјавија дека нивната цел е соборување на страниците кои припаѓаат на израелските одбранбени сили и израелскиот премиер и други сајтови кои припаѓаат на безбедносните сили и финансиски корпорации.
На Твитер се обидуваат да го соборат најмалку 40 страници, кои припаѓаат на Владата и армијата на Израел. Групата е позната по DoS напади.
