Само 28% Австријци веруваат во Господ, а 21% во Светото тројство, покажува анкета на институтот Маркет по повод Велигден.
Меѓутоа, 58% Австријци веруват во ангел чувар, а половината анкетирани сметаат дека има живот и по смртта, односно 38 отсто во бесмртна душа. Исто така, само осум отсто Австријци веруваат во ѓаволот, а 35% веруваат дека Бог сака луѓето да прават добри дела.
Секој педесетти Австриец верува во вампири. За Австријците на прво место како грев е кражбата, а на дното е работа во недела и празници, односно преминување во друга вера и откажување од црквата.
Што се однесува до Католичката црква, анкетираните (37%) сметаат дека таа би требало да пренесува вредности и да не дозволи да потпадне под модни трендови.