Амнести интернешенел (АИ) денеска соопшти дека „додека израелските сили продолжуваат да го интензивираат својот катаклизмичен напад врз окупираниот Појас Газа“, невладината организација ги документирала „незаконските израелски напади, вклучително и неселективни напади кои предизвикале огромни цивилни жртви и мора да бидат истражени“ како воени злосторства“.
Претставниците на организацијата разговарале со преживеани и очевидци, анализирале сателитски снимки и проверени фотографии и видеа за да ги истражат бомбардирањата извршени од израелските сили помеѓу 7 и 12 октомври, кои, како што додава АИ на својата веб-страница предизвикаа страшно уништување , а во некои случаи беа убиени цели семејства.