Американскиот носач на авиони Нимиц и воени бродови од неговата ударна група се насочија од Арапско Море кон Црвено Море, за да помогнат доколку биде неопходно за ограничени воени удари врз Сирија.
Според претставник на Министерството за одбрана, носачот на авиони е придружуван од четири воени бродови разорувачи и еден крстосувач.
Целта е ударната група да биде што е можно поблиску до Сирија. Засега нема наредба да впловат во Средоземното Море и да се доближи до брегот на блискоисточната држава.
Пет американски воени бродови разорувачи веќе се во источниот дел од Средоземното Море. На 31 август кон нив се придружи и десантниот воен брод Сан Антонио. Во регионот на
Персислиот залив се наоѓа и американскиот носач на авиони Хари Труман.