Американското Министерство за правда го тужи трговскиот синџир „Волмарт“ за неговата улога во таканаречената опиоидна криза, тврдејќи дека неговите вработени неправилно пополнувале рецепти и ја влошиле кризата во јавното здравство.
Во тужбата се обвинува „Волмарт“ за неодговорно процесирање на нарачки за лекови, пополнувајќи илјадници „невалидни“ рецепти, што било дел од причините за кризата со злоупотреба на лековите и за стотици смртни случаи поради предозирање.
Властите би можеле да бараат казна од милијарди долари, соопшти Министерството за правда во соопштение за медиумите.