Педесет и тригодишниот Роџер Логан од Њујорк синоќа е ослободен од затвор, каде што поминал 17 години за убиство, откако е утврдено дека е осуден врз основа на лажно сведочење, соопштија американските власти.
Логан кој цело време тврдел дека е невин, е ослободен благодарение на ревизија на неговиот случај, кој го извршила Комисијата за ревизија на пресуди, пренесе „Франс прес“.
Тој бил уапсен, а подоцна и осуден за убиството на Шервин Гибонс, кој е убиен од огнено оружје на 24-ти јули 1997 година.
Пресудата, со која што тој е осуден на 25 години затвор, се темели врз сведочење на една соседка, која тврдела дека го видела на местото на злостроството.
Комисијата за ревизија разгледува пресуди, а во моментов работи на уште 90 случаи. Благодарение на нивната работа, седум пресуди се поништени, додека 11 се потврдени.
Е. Г.