Иранските вооружени сили утрово соопштија дека секој напад врз нафтената и енергетската инфраструктура на Иран ќе доведе до напади врз енергетската инфраструктура во сопственост на нафтени компании кои соработуваат со САД во регионот, објавија иранските медиуми.
Предупредувањето дојде откако американскиот претседател Доналд Трамп изјави дека САД уништиле воени цели на главниот нафтен центар на Иран, островот Харг.
Островот служи како извозен терминал за 90 проценти од пратките на нафта на Иран.
Иранските медиуми објавија дека немало штета на нафтената инфраструктура на островот Харг по нападите на САД за кои американскиот претседател Доналд Трамп тврдеше дека „уништиле“ воени цели на островот.
