Нобеловиот институт соопшти дека амбасадорите на западните нуклеарни сили нема да присуствуваат на церемонијата по повод доделувањето на Нобеловата награда за мир, која што оваа година им припадна на Меѓународната кампања за забрана на нуклеарното оружје (ИЦАН).
– Тие очигледно добиле инструкции да изразат резерви кон ИЦАН и договорот за забрана на нуклеарните оружја, изјави директорот на Нобеловиот институт, Олаф Нјелстад.
На 6. октовмри беше одлучено Нобеловата награда за мир да ја добие ИЦАН, коалиција од невладини организации, кои работеа на Договорот за забрана на нуклеарното оружје, што е потпишан до 122 земји.
Нуклеарните сили одбија да го потпишат договорот. Како што соопшти Нјелстад, само рускиот амбасадор ќе присуствува на церемонијата, додека САД, Франција и Велика Британија ќе испратат дипломати од втор ранг од нивните амбасади во Норвешка.