Нобеловата награда за литература за 2023 година отиде во рацете на норвешкиот писател Јун Фосе, за „иновативни драми и проза што му дава глас на неискажливото“, соопшти Шведската академија.
Норвешкиот писател е едно од водечките имиња во модерните драми претставени во повеќе од деветстотини продукции, а неговите дела се преведени на повеќе од четириесет јазици.
Познати е по романите „Меланхолија“, „Утро и вечер“ и „Тоа е Алес“, но и многу други драми и песни.
Британски „Дејли телеграф“ пред неколку години го вклучил Фосе на листата на 100 живи генијалци, а покрај тоа од кралот на Норвешка добил на доживотно уживање куќа до палатата во Осло, што во таа земја се смета за највисока чест за луѓето од светот на уметноста.