Американскиот претседател Доналд Трамп им кажал на дел од своите советници дека размислува повторно да се кандидира за претседател во 2024 година, изјавија за порталот Аксиос два извора запознати со разговорите.
Тоа, доколку се покаже како точно, е досега најјасниот показател дека Трамп сфатил оти ги загубил изборите одржани минатата недела, на кои тој повеќепати тврдеше дека победата му е украдена. Засега нема коментар од официјални лица од кампањата на Трамп и Белата куќа околу наводите за неговите намери.
Според експертите, дури и четири години по напуштањето на функцијата, Трамп би можел да остане фаворит на прелиминарните избори во Републиканската партија, на кои се бира кандидатот на партијата за претседател на САД. Само тој факт може да ги замрзне амбициите, собирањето средства и екипирање на инивидуални кандидати – и на Републиканскиот национален комитет, бидејќи тој се обидува да се прегрупира и да го надмине Трамп.
На денот кога стапи на функцијата во 2017 година, Трамп поднесе документи до Федералната изборна комисија за да се квалификува како кандидат за 2020 година.
Според американските закони, претседател може да служи два мандати, кои не мора да бидат последователни.