Иранскиот претседател Махмуд Ахмадинеџад денеска застана во одбрана на контроверзната нуклеарна програма на Техеран, нагласувајќи дека Иран не се обидува да произведе атомска бомба.
Тој во својот говор на Бенинскиот универзитет истакна дека атомската енергија е како „божји дар“, кој обезбедува струја по поволна цена.
Западот го обвинува Иран дека неговата нуклеарна програма има воени цели.
Ахмадинеџад синоќа пристигна во Бенин, кој е првата етапа од неговата турнеја низ Западна Африка. Попладнево тој ќе го посети Нигер, еден од најголемите производители на ураниум во светот. Турнејата на иранскиот лидер завршува утре со посета на Гана.