Перуанската домородна група денеска објави дека ќе ослободи околу 150 туристи кои ги задржаа на еден ден протестирајќи против наводната владина неактивност по излевањето нафта во река, објавија локалните медиуми.
Група од областа Ураринас во Амазонската провинција Лорето објави дека целта на нивниот чин е да се прошири свеста за загадувањето предизвикано од излевањето на повеќе од 2.000 тони сурова нафта во реката Чинико од нафтоводот Норперуано.
Гасоводот е изграден пред четири децении, а премиерот Анибал Торес го обвини домородното население дека самите го оштетиле, јавува Би-Би-Си. Приведените туристи, меѓу кои има и Европејци и Американци, не биле повредени или физички малтретирани, јавуваат локалните медиуми.
„Мора да надвладее правото и почитувањето на животот. Во таа светлина, ќе обезбедиме средства за луѓето да можат да се вратат на своите дестинации. Тоа ќе биде пред пладне“, изјави утрово шефот на домородната група, Вотсон Трухило.
Една од туристите, Анџела Рамирез од Перу, телефонски за Ројтерс изјавила дека сè уште не слушнала никакви информации за времето на ослободување.
Туристите биле приведени додека пловеле по речни чамци, а меѓу нив имало едномесечно дете, инвалиди и трудница, рече таа.
Таа претходно изјави за локалните медиуми дека групата првично била информирана дека ќе бидат задржани од шест до осум дена доколку нема решение, додавајќи дека неколку пати биле нахранети.
Медиумите наведуваат дека бројот на приведени лица се движи од 70 до дури 300, меѓу кои меѓу 17 и 23 странски државјани.