Видео: „Срам и арам, ни јазикот бетон, ни историјата – во ЕУ не ќе влеземе ни за 100 години“ – експерти контра владата

Од:

Македонско-бугарските преговори и договори не смеат повеќе да бидат тајни. Ова е клучен документ за Македонија и владата не смее да брза да го потпише, алармираат експерти, правници, познавачи на Европската Унија, историчари со кои разговараше „А1он“.

dobivaj vesti na viber

Неколку организации во чиј фокус е Европа и нејзините политики денес се огласија преку соопштение во кое велат дека решението за македонскиот јазик не е чисто, историските теми остануваат на маса, аргументите „сега или никогаш“, „земи или остави“ не се оправдани.

Првиот човек на Институтот за демократија, кој важи за експерт за овие теми, вели македонскиот јазик воопшто го нема во предлогот за кој Владата вели дека треба да се прифати.

„Македонскиот јазик не е чист! Официјалниот јазик на земјата кандидат ЕУ го признава во поглавје 34. Него го нема во предлогот што го фали владата. Кога ќе дојде време да се отвори/затвори, немаме гаранција- ќе биде многу гнасно и далеку од чисто”, вели за „А1он“ Трошановски и додава:

„Мислам дека за ваков документ, кој е еден од најважните во историјата на нашата независност, апсолутно дека Собранието мора да го има последниот збор, дури мислам дека може да се земе в предвид и референдум за него. Морам да потенцирам дека поради тоа што во ризиците од имплементација на ваквиот предлог најмногу се прекршуваат на грбот на македонскиот народ, апсолутно не смее да се заобиколи мнозинската волја изразена во парламентот на доминантната етничка заедница во земјата“, вели Трошановски.

Договорот не смее да се прифати е став и на историчарот професор Тодор Чепреганов, кој за „А1он“ вели

„ Апсурдно е! Срам и арам и нецивилизациски е ова што се прави, ајде Бугарија да ја оставиме настрана, тие не биле цивилизирани никогаш, меѓутоа нецивилизациски од страна на Европа! Затоа што Европа си ги покажува сите свои принципи. Слобода на мислење, демократија…, сетоа тоа го погазува! „

„ Овој француски предлог е во основа бугарски предлог со француски целофан завиткан и го ништи сетоа она што до сега го постигнала Македонија – идентитет, јазик и култура.

И тоа нема да се случи одеднаш туку агонијата долго ќе трае, полека полека за 20 години, со сите овие работи кои ги предвидуваат да ги направат со Договорот, Македонија ќе се бугаризира!“

„Договорот со Бугарија каде што се зборува за заедничка историја, за ист народ, за воспоставување заеднички херои… сето тоа го направивме ние самите. И за тоа треба да си одговараат сите македонски политичари кои учествуваа во тоа“

За него единственото решение е прекинување на Договорот и здравје кога ќе бидат подобри условите ќе можеме да продолжиме да работиме.
Целосните интервјуа со Трошановски и Чепреганов погледнете ги во видеото .

Би можело да ве интересира

Милановиќ: ЕУ не е воен сојуз

А1он

Ѓедовиќ: Енергетската криза е шанса за завршување на интерконецијата со Бугарија и изградба на гасовод со Македонија

А1он

Германски печат: Западен Балкан бeше „запоставен“ регион пред војната во Украина

А1он

Постигнат договор за забрана за увоз на производи кои придонесуваат за уништување на шумите

А1он

Радев: Беше грешка што дадов шанса на такви луѓе

Ана Ололовска

Донев: Бугарската Влада е подготвена за одмазднички мерки кон Холандија и Австрија за вето за Шенген

А1он