Специјалната јавна обвинителка Ленче Ристоска иако пред почетокот на консултациите вети дека ќе ја информира јавноста за текот на настаните поврзани со префрлувањето на предметот од СЈО во Јавното обвинителство, сепак на крајот од разговорите се обиде да ги избегне камерите излегувајќи од задниот влез на министерството за правда.
– Не е дека ги избегнуваме новинарите. Се уште се консултираме за актуелната ситуација. Кога се ќе биде договорено ќе добиете информација, рече Ристоска.
Обвинителката меѓудругото не сакаше ниту да одговори на прашањето што понатаму со обвинителите од СЈО односно дали ќе продолжат да ги водат предметите за кои веќе е отворена постапка во Кривичниот суд.