(ВИДЕО) Јанева: Чека може да си ги преземе „бомбите“ од „Јутјуб“

Од:

Шефицата на специјалното јавно обвинителство, Катица Јанева, на која на 15 септември ѝ истекува мандатот, два и пол часа го презентираше шестмесечниот извештај за работата на СЈО, пред Советот на јавните обвинители.

Јанева по седницата рече дека членовите на Советот биле задоволни и рекле дека извештајот е исцрпен со многу детали.

„Не се интересираа за конкретни предмети, туку за бројките“, рече Јанева. Шефицата на СЈО, кажа дека ако ја викнат ќе го презентира извештајот на СЈО и во Собранието.

Во врска со вештачењето на бомбите кои беа пронајдени кај Љупчо Палевски и Захир Бекири Чауш, рече дека предметот се работел, ама документацијата била многу обемна и оти вештачењата не биле завршени. „Немаме уште јавнообвинителска одлука“, рече Јанева.

Обвинителката на прашање за бомбите кои се објавуваат од „Фејсбук“ профилот на Ел Чека, не беше конкретна: „Па тие се јавно објавени, може да си ги преземе од ‘Јутјуб’. Што да кажам за тие…“, рече Јанева.

Законот за Јавно обвинителство, со кој се регулира статусот на СЈО, се уште е во ќор-сокак. Според последните информации, нема нови средби на работните групи поврзани со Законот кој треба да го осигура опстанокот на отворените истраги и генерално, работата на ова обвинителство.

Би можело да ве интересира

Вработените во СЈО чекаат плата за септември

Васко Маглешов

Шекеринска: „Бомбава“ само потврди која е огромната разлика меѓу нас и нив

Татјана Ташкова

Нова бомба од Ел Чека: Шекеринска и Бесими за гласањето на ДИК за локалните избори

Татјана Ташкова

„Титаник“ продолжи со изведување докази

Ана Ололовска

Судот го казни вештакот на СЈО со 1500 евра

Васко Маглешов

Лиле Стефанова останува надлежна за „Империја“

Ана Ололовска