Над 30.000 тони екстремно опасен отпад, несоодветно складиран, нè труе повеќе од 20 години.
Во темпираната хемиска бомба ОХИС има околу осум тони жива, кои десет години се оставени да течат насекаде во погонот за електролиза. Огромни количини веќе се во подземните води, а оттаму и во почвата, храната што се произведува тука, а може да ја има и во воздухот. Во ризик се сите околни населби – Лисиче, Пинтија, Драчево, Кисела Вода, Усје и сите околни сè до реката Вардар.
Најголем проблем е што никој не знае каде и колку ја има, допрва преку проект на Министерството за екологија, Канцеларијата за ПОПС, ќе испитуваме каде и колку ја има.
Зошто оставаме ОХИС 20 години да ги труе скопјани? Зошто ниту една влада до сега немала волја сериозно да засука ракави и да најде пари за заштита на здравјето и животот на сите во главниот град?
Гледајте во анализата на „Скен“