Над 300 осудени за педофилија и сексуално злоставување на малолетници кај нас. Најголем број случаи се од Скопје.
Само за еден месец неколку случаи ја вознемирија македонската јавност. Во последниот – малолетното девојче прво било опиено од 20 годишна девојка која потоа ја соблекла и ја држела за две машки лица да можат да ја силуваат. Ваков опис на настаните ќе го вознемири секој родител и нормално е да се запрашаме безбедни ли ни се децата?
Во Македонија од 2012 година постои регистар на педофили. Секој граѓанин може со пребарување по име и презиме, прекар, или место на живеење и општина, да види дали во нивна близина живее некој сторител на вакво кривично дело. Регистарот содржи податоци за името и презимето, датумот на раѓање, адреса на живеење, кривичното дело за кое е осуден и фотографија.
Бројката од 300 осудени е од оние кои се заведени во овој регистар. Најмногу има од Скопје околу 60-сетина, Прилеп 16, Велес 14, Струмица 12 – на листата осудени има и 13 жени.
Како функционира погледнете во анализата на Скен.