Зеленски донесе одлука: Украина продолжува да го брани Бахмут

Од:

Украинскиот претседател Володимир Зеленски и неговите воени команданти одлучија да продолжат да го бранат источниот украински град Бахмут, кој руските сили и платениците на Вагнер со месеци се обидуваат да го освојат. Зеленски имале средба со командантите на украинската армија се наведува во соопштението испратено од кабинетот на украинскиот претседател.

„На средбата детално се разговараше за ситуацијата во Бахмут“, се вели во соопштението и се додава: „Учесниците се договорија да продолжат со одбранбените операции и дополнително зајакнување на нашите позиции во Бахмут“.

Покрај Зеленски и воените команданти, на средбата беа и шефот на кабинетот на претседателот Андриј Јермак, шефот на военото разузнавање Кирило Буданов, украинскиот премиер Денис Шмихал и генералниот секретар на Советот за национална одбрана и безбедност Олексеј Данилов.

Руските сили напредуваат во обидите да го освојат Бахмут. Денеска има информации за жестоки борби во и околу градот. Американскиот секретар за одбрана Лојд Остин неодамна се обиде да ја омаловажи важноста на Бахмут, велејќи дека неговиот пад нема „да биде оперативна или стратешка пречка“ за украинската војска.

Би можело да ве интересира

Трамп: „Незамисливата омраза“ меѓу Путин и Зеленски го оневозможува дијалогот

(ВИДЕО) Зеленски: Имаме решение за руските беспилотни летала

(ВИДЕО) Зеленски потврди: Им нанесевме тежок удар на Русите во Балтикот

Катерина Ѓуровски

ВИДЕО: Украинците ги нападнаа клучните руски пруги, возовите во застој

Има ли Европа одговор на ултиматумот на Трамп

ВИДЕО: Напад со дронови на втората најголема руска рафинерија