ВИДЕО: Силни екплозии во Киев, има мртви и повредени

Најмалку две лица загинаа, а осум се повредени во ноќниот руски ракетен напад врз Киев, кој уследи по серијата напади со дронови врз украинскиот главен град во текот на денот.

Следете a1on на Instagram

Силни експлозии одекнале во центарот на Киев околу 1 часот по полноќ, откако украинското воздухопловство предупредило за балистичка ракета која се движи кон градот. Следувале уште два бранови експлозии.

A large fire broke out in Kyiv after a Russian missile strike, with bright flashes seen over the city. https://t.co/g4DMaZKjXs

— Clash Report (@clashreport) September 23, 2026

Градоначалникот на Киев, Виталиј Кличко, соопшти дека остатоци од ракети паднале во повеќе градски населби, при што биле оштетени станбени и административни објекти, автомобили и медицински установи.

Следете a1on на Youtube

Во една од погодените области, остатоци паднале во близина на породилиште. На објектот биле искршени прозорци и оштетена фасадата, а едно лице загинало на блискиот паркинг. Оштетен бил и дијагностички медицински центар.

Спасувачките екипи интервенирале и во други делови на градот, каде што биле пријавени оштетувања и пожари.

Во моментот на нападот, украинскиот претседател Володимир Зеленски се наоѓал во Њујорк, каде што на маргините на Генералното собрание на ОН се сретнал со членови на американскиот Конгрес. Тема на разговорите бил и предлог-законот познат како „законот на Линдзи Греам“.

A Russian 3M22 Zircon hypersonic missile struck energy infrastructure in Kyiv.

Approximately 22 missiles of various types were launched at Kyiv over the past 30 minutes, with only three intercepted. https://t.co/j8OV3JDNRF

— OSINTWarfare (@OSINTWarfare) September 23, 2026

Зеленски на платформата Икс повика на дополнителна американска поддршка, вклучително и системи за пресретнување балистички ракети и санкции против Русија и оние кои, според него, ѝ помагаат економски.

Киев во последните денови е цел на повеќе руски воздушни напади. Во нападите со дронови на 23 септември загинаа две лица, а најмалку 43 беа повредени, додека беа оштетени железничка инфраструктура, станбени објекти и историски пазар.