Руски дрон утрово погоди 16-катна станбена зграда во киевскиот кварт Печерск, при што загина 14-годишно момче, а девет лица се повредени. Осуммина од повредените се пренесени во болница, соопштија украинските власти.
Украинскиот претседател Володимир Зеленски нападот го опиша како „апсолутно брутален и болен удар, лишен од воена логика“.
At least three people were injured and hospitalized, one in grave condition, and a 14-year-old was killed after a Russian drone struck a high-rise residential building in Kyiv’s central Pecherskyi district around 8 a.m. on Sept. 25, local authorities reported. Emergency services… pic.twitter.com/1gS8YOXVwX
— The Kyiv Independent (@KyivIndependent) September 25, 2026
Според Зеленски, од почетокот на денот руски напади има во осум украински региони. Во Одеската област едно лице загина при напад врз поштенски терминал, додека во Запорожје е погодена здравствена установа.
Повредени има и во Сумската и Миколаивската област, наведе Зеленски.
Руското Министерство за одбрана соопшти дека руските сили во текот на ноќта со беспилотни летала гаѓале објекти на украинската одбранбена индустрија, логистички центри и пловни објекти за кои тврдат дека ги користат украинските вооружени сили.