Бугарскиот Национален статистички институт (НСИ) денеска ги објави резултатите од 18. попис на населението, според кои до до 7 септември 2021 година во Бугарија живееле 6.519.789 луѓе.
Жените се 3.383.527 (51,9 отсто), а мажите 3.136.262 (48,1 отсто), јави бугарската новинска агенција БТА.
Директорката на Управата „Демографска и социјална статистика“ при НСИ Магдалена Костова изјави дека во периодот помеѓу двата пописа населението во Бугарија се намалило за 844.781 лице или за 11,5 отсто.
Резултатите покажуваат дека просечната годишна стапка на намалување на населението годишно се зголемила од 0,7 отсто во периодот 2001-2011 година на 1,2 во периодот 2011-2021 година.
Извор: МИА