Турција го одби предлогот на Трамп, не сака посредување со Сирија

Од:

Турскиот министер за надворешни работи, Мевлут Чавушоглу ја отфрли понудата на претседателот на САД, Доналд Трамп за посредување помеѓу Анкара и единицата за народна заштита на сириските Курди, за да се стави крај на операцијата на Турција во Сирија.

Чавуоглу посочи дека единствената работа што треба да биде направена е терористите да го положат оружјето.

„Се обидовме со политичко решение во Турција во минатото и видовме што се случи“, наведе Чавушоглу.

Американскиот претседател, Доналд Трамп, вчера изјави дека едно можно решение за конфликтот меѓу Курдите поддржани од САД и турските сили во североисточна Сирија е Вашингтон да посредува во мировни преговори.

Трамп на „Твитер“ најави дека САД имаат три опции.

„Имаме три избори – да испратиме 1.000 војници и да извојуваме воена победа, да ја погодиме многу тешко Турција и финансиски и со санкции, или да посредуваме меѓу Турција и Курдите“, наведе американскиот претседател.

„Се надевам дека можеме да посредуваме“, додаде Трамп.

Би можело да ве интересира

Елон Маск објави формирање политичка партија, дали е тоа крај на двопартискиот систем на САД

Зеленски: Украина и САД потпишаа договор за заедничко производство на дронови

САД воведуваат нови санкции врз Иран

Американски извори: Иран се подготвувал да го минира Ормутскиот теснец

(ВИДЕО) Америка ги запира клучните испораки на оружје за Украина

Изласан е „големиот прекрасен“ закон на Трамп што го разбесни Маск