Син на поранешен директор на Бирото за јавна безбедност вчера во скопската населба Капиштец е уапсен откако полициска патрола кај него нашла одредена количина на дрога.
Според информациите на „А1он“ настанот се случил во „Интермецо“. Од МВР не даваат дополнителни информации за настанот. Во денешниот полициски билетен на МВР единствен настан во кој се споменува приведување за дрога во центарот на Скопје се вели:
„На 24.02.2023 во 00.35 часот во угостителски објект на подрачјето на Центар, полициски службеници од Единицата за интервентна полиција при СВР Скопје го лишиле од слобода А.В.(31) од Скопје, затоа што кај него била пронајдена и одземена бела прашкаста материја. По целосно документирање на случајот ќе биде поднесен соодветен поднесок“.
Таткото на упасениот А.В. беше назначен за директор на БЈБ после политичките промени во Македонија, а беше принуден да поднесе оставка откако дел од медиумите во земјава објавија дека неговата ќерка со службено возило на МВР бeше на пат во Грција.
