МВР информира дека во текот на вчерашниот ден во периодот од 08:00 до 13:00 часот, Секторот за сообраќајни работи при Министерството за внатрешни работи спроведе засилена акциска контрола на територијата на целата држава, насочена кон откривање и санкционирање на прекршоци што ги прават пешаците, како и прекршоци на возачите во однос на пешаците.
При контролата биле констатирани и санкционирани 221 прекршок, од кои 147 за небезбедно преминување на пешаци на коловозот надвор од обележан пешачки премин, додека 25 возачи биле санкционирани поради не пропуштање пешаци на обележан пешачки премин.
Дополнително, за време на контролата биле санкционирани и 179 возачи за други видови сообраќајни прекршоци.