Повик за ангажман на 40 тутори за поддршка на ученици со попреченост

Од:

До 15 октомври може да се пријават заинтересирани кандидати за тутори за поддршка на учениците со попреченост – стипендисти запишани во редовни училишта. Повикот за доставување пријави е наменет за 40 тутори од целата држава и е во рамки на проектот „Биди ИН, биди ИНклузивен, биди ИНклудиран“.

Целта е да обезбеди целосна и еднаква вклученост на децата со попреченост во редовните основни училишта. Во повикот е наведен описот на ангажманот на туторите, начинот на кој ќе се обезбедува поддршката, местото каде што ќе се реализира ангажманот, целите што треба да се постигнат кај учениците со попречености и условите за избор на кандидатите за тутори.

Работата со овие ученици ќе се одвива индивидуално или во мали групи, во зависност од нивниот број во определеното училиште и нивните индивидуални посебни потреби и препораките на МОН поврзани со КОВИД-19.

– Туторот не е обврзан да присуствува на наставата која ја спроведува наставникот. Од туторот се очекува да организира и спроведува средби индивидуално или во мали групи на ученици со попреченост – стипендисти онлајн или во директен контакт, во зависност од состојбите, потребите и можностите на корисниците и насоките на Министерството за образование и наука за безбедносните ризици предизвикани од КОВИД-19. Ангажманот на туторите ќе биде до четири часа дневно, се наведува во отворениот повик.

Од кандидатите се очекува да обезбедат поддршка на учениците со попреченост – стипендисти во текот на 22 месеца, во периодите: ноември-декември 2020; февруари – мај 2021; септември – декември 2021; февруари – мај 2022; септември – декември 2022 и февруари – мај 2023. За извршените обврски, предвидено е туторите да добиваат месечен надомест од 100 евра (бруто).

Заинтересираните кандидати треба да достават кратка професионална биографија и изјава за интерес на мејлот: [email protected]. Крајниот рок за доставување на апликациите е 15 октомври до 16 часот.

Проектот го реализира Фондацијата за образовни и културни иницијативи „Чекор по чекор“ во партнерство со Здружението за промоција и развој на инклузивно општество „Инклузива“ и Здружението за давање услуги на лицата со попреченост „Хендимак“, во соработка со Министерството за образование и наука и Бирото за развој на образованието и со финансиска поддршка од Европската Унија.

Би можело да ве интересира

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

МОН за протестот на универзитетите: Ако постои волја во Собранието за колективен договор, ние ќе учествуваме во преговорите

МОН: Наместо на политички игри во училиштата, општина Тетово да се фокусира на квалитетна настава

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Студентите најавија протест: „МОН не ни исплати стипендии кои ни требаат да запишеме семестар“

Орце Костов

Ректоратот бара, МОН ветува дека нема да се зголеми партиципацијата за студентите

Орце Костов