Авион на НАТО сојузот од типот Ф-16 помина покрај авионот со рускиот министер за одбрана Сергеј Шојгу, во текот на летот над Балтичкото море, но го “истера“ друг руски авион, јави агенцијата ТАСС.
Во извештајот се наведува дека авионот на Алијансата се обидел да му пријде на авионот со рускиот министер иако бил над неутрални води.
Шојгу во тој момент патувал кон руската енклава Калининград.
Портпаролот на Кремљ, Дмитриј Песков кажа дека нема никакви информации за инцидентот.
-Руски авион прелета покрај американски извидувачки авион во областа на Балтичкото море во понеделникот, рекоа вчера официјални лица и додадоа дека растојанието помеѓу двата авиони било околу 1,5 метри.