Непознато лице фрлило молотов коктел на едно избирачко место во покраината Чернигов, во Украина, каде што се одвиваат претседателски избори. Во инцидентот немало повредени.
„Во 10.50 часот непознат извршител фрлил бензинска бомба на едно од бирачките места во градот Борзна“ – објави украинското Министерство за внатрешни работи на својот твитер профил.
Како што се наведува во соопштението, пожарот бил изгаснат веднаш и гласањето не било прекинато.
Како што соопштија од Централната изборна комисија на Украина, до 11 часот на гласање излегле 16 отсто од украинските гласачи.