Блажевска: Хорват е идеалното засилување за РК Металург

Од:

Легендарното десно крило на ППД Загреб и на хрватската ракометна репрезентација, Златко Хорват, потпиша едногодишен договор со Металург.

Претседателката на Металург, Зорица Блажевска, соопшти дека Металург првично бил заитересиран за Гоце Георгиевски, но тој го одбрал Вардар, а во Хорват гледа идеално засилување за тимот од Автокоманда.

– Наша цел во овој преоден рок е во тимот на сите позиции да имаме по еден искусен ракометар, па така во Металург дојдоа Рниќ, Канкараш и Потиќ, а очекувано беше да донесеме и по еден добар играч на крилните позиции. Прв избор ни беше Гоце Георгиевски, но, откако тој го одбра Вардар, бевме принудени да бараме друг играч. Златко Хорват изгледаше како најдобро решение и по кратки преговори успеавме да се договориме. Тој е среќен што доаѓа во Металург и мислам дека ќе биде идеално засилување за нашиот клуб, во кој тој ќе биде еден од лидерите на екипата. Ангажманот на Хорват се вклопи и во новото правило на РФМ во однос на бројот на странци, бидејќи е стандарден репрезентативец на земја која е во европскиот топ-15, изјави Блажевска за клупската веб-страница.

Триесет и петгодишниот Хорват целата своја досегашна ракометна кариера ја мина во ППД Загреб, со кој ги освои сите титули во првенството на Хрватска од 2002 до денес и сите титули во Купот на Хрватска од 2003 година до денес.

Со својот клуб е и освојувач на СЕХА-лигата во 2013 година.

Како репрезентативец на Хрватска, Златко Хорват има бронза од ОИ Лондон, сребро и бронза од СП и две сребра и две бронзи од ЕП.

Би можело да ве интересира

Македонските ракометари го победија Чиле и се пласираа во втората фаза на СП

Жарко Настоски

ИХФ повторно со доверба во Начевски и Николов, ќе судат на ракометниот Мундијал во Египет

Жарко Настоски

Карабатиќ избран за ракометар на деценијата, Лазаров најдобро десно крило

Ана Ололовска

Во драматичен меч, Металург одигра нерешено против Фајверс

Жарко Настоски

Еурофарм Пелистер почна со победа во СЕХА лигата

Жарко Настоски

Ракометниот „фајнал фор“ во Келн без гледачи

Жарко Настоски